تركي آل الشيخ هل وصلت الرسالة لمحمد سلام؟ وعفاف مصطفى تدخل على الخط وتناشد تركي والشركة المتحدة: «انظروا لابنكم محمد سلام»!
كلام المستشار تركي آل الشيخ الأخير فتح باب كبير للتساؤلات، خصوصًا بعد الرسالة اللي كتب فيها: «أي شيء يتأخر عن موعده لا قيمة له.. الاعتذار يصبح خاطئ لما يتأخر».
الجملة دي خلت ناس كتير تربط بينها وبين قصة الفنان محمد سلام، اللي بدأت من حوالي 3 سنين، ولسه تداعياتها بتظهر لحد النهارده. خلونا نرجع للبداية.. في أكتوبر 2023، محمد سلام أعلن اعتذاره عن المشاركة في مسرحية «زواج اصطناعي» ضمن موسم الرياض، بسبب الأحداث اللي كانت بتحصل في غزة، وقال إنه مش قادر يتخيل إنه يطلع يغني ويرقص ويقدم عرض كوميدي في الوقت اللي فيه ناس بتموت.
وقتها الموقف عمل انقسام كبير، فيه ناس دعمت قراره وشافت إنه موقف إنساني نابع من ضميره، وفيه ناس انتقدت توقيت اعتذاره، خصوصًا إن العرض كان قرب يبدأ، وبدأت بعدها أزمة كبيرة مع تصريحات بيومي فؤاد اللي اتكلم فيها عن الموضوع على المسرح، وفضل الخلاف والجدل مستمرين لفترة طويلة.
لكن اللي حصل بعد كده إن محمد سلام غاب عن الساحة الفنية لفترة، وبقى فيه كلام كتير عن قلة الفرص اللي بتجيله، لحد ما رجع من خلال مسلسل «كارثة طبيعية» اللي حقق نجاح وتفاعل كبير، وخلّى الجمهور يفتكر موهبته من جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.